落幕自由行

三色貓一直係自出自入，有自己嘅出入口。
每天早上，如果三色貓响屋企，我同王子都會同佢溫馨一番。
某日，王子已上班，我同佢溫馨一番後，我去煲湯，過咗一陣，三色貓突然叫我。
Oh my God！！又嚟？？？！！！又帶一隻返嚟！！！！
佢叫我，擺明係話俾我知，我係時候要持續進修，練習捉老鼠啦。。。。

我立刻關上客廳嘅門，好怕隻老鼠唔知去咗邊啊，到時，咁大間屋，點搵呀。。。
後來，從三色貓嘅眼神我知道，佢响一定响梳化底。
跟住通知王子，佢初頭唔明我講乜，以為我仲係講緊上一隻老鼠，後來明白了，但係就好驚訝，咁快又嚟。。。跟住忍唔住哈哈大笑：佢真係好愛好愛，好愛好愛妳喎。。。。。。。
唉。。。真係。。。謝謝你的愛啦。。。。

我真係好怕屋企有鼠患，於是決定智取，擾攘咗一陣，最後，由我呢個新入門弟子，將佢捉咗。

小鼠好細好細，好慘呀，驚慌到唔識郁，好可憐呢，即使我放生佢返大自然，佢初時都驚到行唔郁呢。。。

我知道，三色貓係好愛好愛我，先會不斷捉生老鼠去訓練我，但係，其實當我去處理老鼠屍體，或者捉老鼠時，就正中佢下懷，佢嘅目的就達到啦，以後，佢會捉更多老鼠訓練我，務求令我成為頂尖捉鼠人，呢個循環會生生不息，自討苦吃。。。
嗚嗚嗚，呢啲生活，我唔要呀。。。。

跟住就清理果個七國咁亂嘅客廳，責備三色貓一輪，佢都明我話緊佢㗎，即刻嗚嗚叫，個樣有啲謝謝地，跟手通知王子我已把小老鼠捉到同放生時，佢好驚訝，估唔到我竟然响幾日內由鍾小姐變咗捉鼠人。

哈哈，千祈唔好睇小女人呀，我哋响呢啲非常情況下，啲小宇宙會激發晒出嚟㗎。

唔得啦，我哋要訂立新家規，以後，三色貓嘅自由要受到限制，三色的自由行年代，正式落幕。。。

中午時分外出回來，三色貓已經在外玩完，在門外等候，見到我，勁開心，佢可能擔心，我唔要佢呢。

想著想著，真有點後悔，畢竟呢個都係三色貓嘅天性，都係想講我愛你，但係我又省咗佢一鑊，佢仲應該唔明點解添。

怕傷佢心，馬上給它零食同溫馨時間，等佢又吸收返啲愛，有返啲信心，等佢知，我依然錫佢，冇唔要佢嘅意思呢。。。

下次都係唔可以隨便責備佢，免得傷害佢嘅小心靈。。。