一期一遇

在小菜園淋水時，發現咗一件奇怪事。
就咁睇，你覺得佢係乜？
大概係番茄仔吧。

唔係呀，因為呢棵係薯仔嚟㗎。
點解嘅？點解嘅？點解明明種咗薯仔，但係生番茄嘅？？？
但係，呢啲疑似番茄仔，好硬吓囉。
咁唯有上網睇睇啦，先知原來係件一期一遇嘅事。
原來，佢係薯仔嘅果實。
我從來冇聽過，冇見過，薯仔會有果實呢。
其他農友說，種咗幾十年薯仔，一次都未見過；有些說，第一次見，以為佢基因突變。。。
後來睇專家文章，先知原來呢個算罕見嘅現象。
一般情況下，薯仔開花後，來不及結果，花便會掉下。
但係如果碰上春天天氣冷，雨水多，再加上係某些品種嘅薯仔，花便不會掉下，反而會結果。
果實裡面，其實同番茄都好似，有好幾千粒種子，薯仔其實都識得審時度勢，知道雨水多，係開始散葉嘅好時機，所以會透過結果，大幅度咁繁殖落去。
不過其實，咁多棵薯仔當中，其實只有一棵有果。
咁點解佢同番茄咁似樣呢？？唔講唔知，原來番茄薯仔係同一個家族，係親戚嚟架。

突然間覺得自己好好彩啊，咁難得都比我見到。。。
雖然呢啲果實有毒，又冇乜實際用途，但係遇上一期一遇嘅事，總係叫人開心。