第一燒

自從踏入夏季，經常聞到附近鄰居燒嘢食。
王子次次聞到香味，都流晒口水。
不過呢，其實我唔係燒嘢食嘅狂熱分子，尤其係西洋嘅燒烤方法，如果係熱辣辣嘅日子，更加咪攪我。
我家連燒烤爐都有兩個，不過一直未開光。
這日，雖然日間天氣熱，但係趁著傍晚收太陽又有風，我哋終於開始咗第一燒。

我無特別準備好多，兩個人，邊食得咁多呢。
只係有蝦，帶子，豬肉洋薏米血腸，燒排骨，同蔬菜。

燒蝦真係幾好味，香噴噴，而最好嘅地方，係唔洗我郁手，有王子燒埋俾我食。。。