夏日特飲

我家，好少買汽水。
一年當中，可能會買一兩次無糖汽水，買得最多嘅時候，係因為有訪客到。
我哋比較習慣，自製夏日特飲，都係啲健康啲，低糖或者無糖嘅特飲。
今次訪客帶來大量物資，其中兩樣，係山楂同菊花。

我家很多時會製作冰茶，我鍾意茉莉同烏龍，好似日本嘅便利店／自動販賣機買到嘅咁，不過我唔鍾意有甜味。
王子都愛飲冰茶，但係如果晚上喝，佢一定會瞓唔著。
所以，我要整啲其他類型嘅比佢，以往我比較多製作香草茶同花茶，今年試下呢兩種新口味，睇下佢接唔接受，估唔到，佢反應好好喎。
每當天氣預測氣溫會飆升之前，我都會整定大量，入樽放雪櫃，天氣熱，個人容易心火盛，飲咗會舒緩一啲。