我的網誌清單

2016年7月4日星期一

香菇醬

周末食得太多肉啦。
今日要整返餐素食。
整乜好呢??
我家王子喜愛吃香菇,就整佢好鍾意嘅香菇醬吧。
一大碗嘅香菇,唔需要用名貴貨色,細細隻嗰啲已經得。
洗一洗,再用清水浸軟,取出,保留浸香菇水備用。
香菇加入幾片薑,幾粒蒜頭,搞碎,盡量搞碎一點。
如果你無攪拌機,可以用手剁。


燒熱鑊,加入油,加入香菇碎,一湯匙糖,用中大火炒出香味,加入三湯匙紹興酒,炒炒。


加入香菇水,生抽,老抽,糖,兩杯水,用中小火煮十分鐘左右。


加入200g炸洋蔥片/炸蔥頭片。


煮多5分鐘,期間,可以試下味。
呢個醬,甜一點味道會較好。


跟住用一大碗生粉水打獻,個獻要杰啲。
煮滾,熄火,加入一湯匙麻油。
少少嘅材料,已經可以煮成一大鍋嘅香菇醬,多咗嘅,可以冷藏,隨時攞嚟用。


我今日食香菇醬伴素面。


香菇醬雖然係全素,但係味道就好香濃,而且仲有好多用途,有機會再分享下。


22 則留言:

  1. 估唔到王子鐘意呢個醬

    回覆刪除
    回覆
    1. 因為如果我落太多冬菇, 某人會頂唔住陣味

      刪除
    2. 我家王子相反呀,佢仲好鍾意食炆冬菇添。。。

      刪除
  2. 回覆
    1. 呢個仲可以配合其他食材,做出唔同菜式

      刪除
  3. 好吸引啊, 味道係咪似台灣滷肉醬咁?

    回覆刪除
  4. 嘩,好正,要有時間先整!可以放幾耐?

    回覆刪除
    回覆
    1. 因為裡面嘅食材都係屬於唔易壞,通常放冰格可以放上幾個月,如果普通格,都可以放到一個星期以上㗎

      刪除
  5. 回覆
    1. 一定要落炸洋蔥片/炸蔥頭片,係個菜式嘅靈魂

      刪除