博物館之夜（10）

睇完豬博物館，下一站，我哋去睇一啲平時冇得睇嘅嘢。
我哋係內陸城市，無海邊，但係有河流貫穿，所以一樣可以用嚟做航運，航海唔得，可以航河。
今日可以睇下河邊貨櫃碼頭嘅工作情況，仲有貨櫃碼頭射燈表現，類似幻彩詠香江啦。。。
平時呢個碼頭區係唔開放嘅，所以我哋最多可以揸車遠遠見到，但係完全唔知入面係點。

去到，真係不得了，勁多人，工作人員話要等最少個半鐘先有得上船。
王子已經即刻話唔等，不過既然來到，又周圍睇睇啦。
啱啱有船泊岸，工作人員要人肉導航。

其實大部份人都係選擇等，洋人嘛，最鐘意飲酒，旁邊開咗好多檔酒吧，咁成班人飲下吹下水，時間又過得快啲。

舊嘅一批人落咗船，新嘅一批又上船。

我哋嘅攞嘅籌，仲要等成四架，都係下次先再嚟啦。