芝士汁白蘆筍

買咗咁多白蘆筍，一定要好好利用，用來做唔同嘅餸菜啦。
今日係芝士汁白蘆筍。
白蘆筍要先處理好，刨走面嘅絲，否則會有渣。
易潔鑊內加入少少油，大火煎煎啲白蘆筍。

見有啲金黃，加入鹽，黑椒碎。

加入鮮奶，間中翻動吓。

煮兩分鐘後，加入芝士，我屋企得返Tilsiter，呢隻係瑞士芝士，屬於唔大味果種，溶咗會起絲絲，因為呢種特別嘅質感，好多時都會用嚟整瑞士火鍋。
如果無Tilsiter，可以用其他芝士，片裝芝士都得。

芝士溶咗就攪掂。

放上少少裝飾就靚靚啦。
如果你無白露筍，可以用青露筍代替，不過煮嘅時間要短啲，因為青露筍比較易熟。
露筍好鮮味，只要用好簡單嘅調味，已經足夠，可以食到佢真正嘅味道。

加多個沙律，今餐係全菜無澱粉質餐。