創造

某日睇報道，講給每年唔同嘅機構，都會為社會創造新嘅就業機會。
創造，並不是指請人，加職位，係指創造新嘅工種，幫助有需要嘅人仕。
是日經過其中一個，由教會負責嘅項目，又介紹吓。

係响較大嘅車站旁邊，興建單車服務站。
呢邊嘅人好流行踩單車返工，又或者會踩一段，再搭一段車，一來可以運動吓，二來可以減低塞車，三來環保，四來慳車費，好處都唔少，我家王子就係擁躉之一。
所以差唔多每一個車站旁邊，都有簡單嘅泊車設備。
但係呢，偷單車係我哋一個好大嘅問題，洋人好多時買嘅單車都係靚貨，價錢可以買架車，放喺街，真係好難唔俾人偷，所以我家王子，永遠唔肯將佢心愛嘅兩架烈火戰車泊响街。

呢個單車服務站，就會提供俾你泊單車，順便幫看著嘅服務，另外仲有單車維修同租單車服務。
有無客？？有㗎，仲唔少添。。。