我的網誌清單

2016年11月30日星期三

妒忌

三色貓,每日都要坐過我大髀幾次先安樂,其實我都幾怕佢啲爪,所以永遠都要鋪好毛巾先比佢上嚟坐。
如果唔比佢坐呢,就會嗚嗚嗚咁喊,好似我辜負咗佢咁。


最近,王子抱怨,三色貓淨係黐實我,唔多睬佢。
唉,好明顯,王子有啲妒忌囉,咁都冇計㗎,佢同我相處時間多呀嘛。
咁我就製造多啲機會比佢兩個獨處啦,有幾次,明明王子幫緊佢按摩,咁我就悄悄走開,做下其他嘢,點知三色貓一發現我走開咗,即刻追住我,要搵番我,王子嘛,頓時好冇癮,覺得自己做咗鍾無艷。
我有幾次同三色貓講,你乖啦,去佢度啦,佢好想抱你呀,你唔好唔睬佢啦。
三色貓,梗係睬我都戇居,繼續順從自己意願。
還好,這小鬼,偶然都會俾啲甜頭王子,突然間,都係會伏在王子大髀上,擺出一個溫柔可愛嘅貓樣,搞到王子之前嘅不快都一掃而空。
這一晚,佢主動同王子溫馨一番,仲用鼻子同王子kiss kiss,搞到王子好心甜。


22 則留言:

  1. 回覆
    1. 試過啦,食完又返嚟我身邊。。。

      刪除
  2. 回覆
    1. 所以王子唔嬲得佢幾耐,佢一氹吓王子就搞掂

      刪除
  3. 回覆
    1. 唔係呀,好過我㗎,闊好多,只係佢習慣同我多啲

      刪除
  4. 有冇掛塊板畀佢得閒磨下啲爪?

    回覆刪除
    回覆
    1. 唔駛㗎,我哋花園有三棵大樹,同埋周圍都有好多樹,我見佢有時會去爪樹

      刪除
  5. 同以前我家豬豬好似呢,又係鐘意叫我抱抱,坐我大髀

    回覆刪除
  6. 三色貓有名字嗎? 她仍有回舊主人的家嗎?

    回覆刪除
    回覆
    1. 有㗎,其實我哋都唔知佢仲有無返舊主人度,但係就晚晚返嚟瞓覺囉

      刪除
  7. 回覆
    1. 佢好鍾意我哋摸佢,唔摸佢佢個樣會好愁,好似好慘咁

      刪除