我要我們在一起

數數手指，三色貓已經嚟咗我哋屋企半年啦。
我同王子都發現，佢真係好嗲，好痴我哋，尤其係我，去到邊佢都會跟住。
佢似乎，好鍾意有人陪住佢，好怕被我哋留下佢一個。

可能天氣凍咗，佢最近好少出街，就算出去，最多都係一兩個鐘頭，有時，甚至完全唔肯出街。
除非佢熟睡咗，否則，一定要在我身邊，我去廁所，佢跟住，我落地牢，一樣照跟，我出花園曬衫，又跟，完全係二仔底。
我真係唔知，其他貓會唔會係咁。王子就話，佢未遇過咁黏人嘅貓，不知是否同佢被遺棄過有關，定係佢年紀仲係細，未夠獨立。
這天，佢午睡後，發現我响廚房，馬上追出來，好可憐咁嗚嗚叫，投訴我唔响身邊，要我錫佢呵佢摸佢，跟住就勁開心，發出巨大嘅咕咕聲，然後就坐响我身邊，安靜地躺下，慢慢地，又開始瞓覺。
唔知幾時，佢先可以多番啲自信，獨立啲呢。。。