湯渣Nachos

屋企有半盒湯渣，今日用來整另一種食物。

我打算整Nachos，一個源自墨西哥北部嘅食品。
肉碎加入鹽，香料粉，黑椒碎，炒熟。

跟住加入洋蔥，炒多兩分鐘。

加入已攪碎嘅湯渣，加入鹽，香料粉，黑椒碎，日本醬油，糖，炒多一會。
如果你係素食者，唔落肉，淨係用洋蔥同湯渣都得㗎。

要炒到大部份水份消失，比較乾身。

先預熱焗爐到190度。
焗盤內先鋪上一層tortilla chips，跟住鋪上少少湯渣肉醬，蔬菜粒（我用咗番茄同尖椒），蔥花，然後鋪上芝士。
重複呢個步驟，最上層放多啲芝士。
如果你想全部都脆卜卜，就只係鋪一層，唔好層層疊。

入焗爐焗12－15分鐘就可以啦。
上面放上酸忌廉，食嘅時候，用手攞出一塊點酸忌廉一齊食，呢個，就係我哋嘅finger food lunch。
王子一早準備好檸檬啤酒，開餐喇。。。。

湯渣？？無湯渣呀！邊有湯渣喎。。。你見到咩？？哈哈哈。。。。