雜錦炒蕎麥烏冬

之前整蕎麥烏冬，留咗一份大嘅响雪櫃。
王子一早出咗聲，要食炒烏冬。

今次用咗好多配料，有椰菜，青椒，紅椒，木耳，仲有火腿絲，炒咗一大窩，味道有啲似上海粗炒咁。
因為有人一早提咗我，佢要食好多，仲要呢個食物做午餐盒，炒到我手軟呢。
一邊食，王子一邊滔滔不絕，說著美國嘅大選結果。
王子一邊食，一邊笑，大選結果，當然都係令本地嘅傳媒同政客嘩然啦，其中一則新聞話，當宣布結果後，由於突然有大批美國人即刻查詢移民加拿大嘅方法，搞到申請移民去加拿大嘅網頁，出現癱瘓。
另一邊廂，本地政客都有反應，以往咪恭喜恭喜囉，今次就唔一樣啦，人人都表示好驚訝，有啲仲好直接表示，諗起將來要大家坐埋一齊傾嘢，即刻覺得好頭痕，唔知點同佢合作。
我突然間諗起：God Bless America。
王子即刻更正我：係God Help America呀。
且看，阿森一族嘅預言會否繼續兌現。。。