年曆

很快，又要踏入新一年啦。
年曆都紛紛上市，有免費嘅，亦有要錢買嘅。
以往每一年，我都會買一套貓年曆俾王子，佢愛貓，但家中無養，冇得摸有得睇都好過冇。
這一年，三色貓來了我家，本來打算唔買啦，點知，世事就係咁奇妙。

打開廣告，發現貓糧大減價，呢隻貓糧我家小鬼最愛吃，即時打算去買。
點知下面仲有行細字，買一包貓糧，有年曆送。
咁。。。荀。。。。？？？係咪架？？？
攞起包貓糧，立刻去搵售貨員，討債咁問佢攞年曆。
點知佢勁唔好意思咁講，啲年曆冇嚟到。。。
吓？？？！！！咁都得？？？！！！
咁，都無得怪佢嘅，咪當係有緣無份囉。
繼續周圍行，點知兩分鐘後，緣份又再次來臨，售貨員周圍搵我，原來年曆又突然間到咗，咁熱心嘅客戶服務，响呢度，真係激罕有。
除咗年曆，裡面仲有兩場明信片，另外仲有一張今年同明年嘅年曆明信片訂購表格。
原來，呢個年曆原價差唔多要十歐㗎，不過都唔出奇，我哋好多年歷索價都要二三十歐。

王子收到，拆開見到一張張可愛貓貓相，超開心呢。