自家片皮鴨

年年天氣開始凍，就係食鴨嘅時候。
碰上超市嘅鴨做本週減價，我又買咗隻，唔係太大咋，2.2kg。
諗咗好耐應該點食，最後，都係決定整片皮鴨，因為，真係太耐無食過啦。

一碟片得好啲，另一碟片得樣衰啲，咁，影碟靚仔啲㗎啦。

仲好有誠意咁，自己整咗包片皮鴨用嘅皮，我整咗好多好多皮，我最怕，就係食片皮鴨時，酒家比好少皮同配料。
我哋今日嘅配料仲有大蔥同青瓜絲。

要確保片皮鴨係熱食，我要打電話確認王子回家時間。
剛巧今日有同事車佢返屋企，同事聽到我哋對話，表示好驚訝，好羨慕有人返屋企，可以食片皮鴨做晚餐。
王子見到呢堆嘢，開心不已，講明係所有嘢都好充足，肯定係all－he－can－eat。。。