預告

王子同我分享咗一篇報道，關於俄羅斯嘅冷風，將會吹到歐洲。
因為佢哋天氣寒冷得很，天空上出現咗美麗嘅天空藝術 － 冰柱。
我從來未住過咁寒冷嘅國家，未見過冰柱。
如果你同我一樣未睇過，可以睇下呢段片，真係好美麗嘅自然奇景，好有通往天堂之路嘅感覺。

據說，要見到光柱並唔太容易，要氣溫好寒冷（據說呢幾日俄羅斯係負三十度，諗起都凍冰冰），係大氣層中嘅冰晶反射陽光或月光，或者人造光所形成。
呢兩日，已經逐漸感覺慢慢凍起來，睇睇下週天氣預告，我同王子都有啲唉聲歎氣，大概我都會懶蟲上身，唔多願離開暖笠笠被竇，唔多願出街，王子聽完我嘅一周大計即刻反白眼，咁，佢確實係悲催啲嘅，天未光，凍冰冰，就要起身返工。。。