捲餅

整片皮鴨嘅時候，反正都整開，特定整多啲麵皮。
咁，就可以食多一餐捲餅啦。

隻鴨唔係好大，唔係淨返好多肉，不過拆肉之後都有一碗，配合其他材料，我整咗京醬炒鴨崧，我覺得呢個用來包捲餅，好好味啊。

驚唔夠食，整多一碗沙爹牛肉。
我家王子係牛肉怪，佢就鍾意牛肉捲餅多啲啦。

鍾意乜材料就自己落，我同王子都覺得咁樣好好味，但我搵日又再整多一次麵皮，食多一次捲餅先得。