謎底

我同王子，心裡一直有個謎，其實都有blog友問過，究竟三色貓仲有冇返去以前主人度？？

最近，謎底終於解開啦。
佢嘅前主人，一直都無聯絡我哋，所以我哋一直都係估，佢冇再返去，而佢哋一家，已經逐漸將佢遺忘。
直到上星期，男主人打電話嚟，剛巧王子開會聽唔到，後來我哋估，可能佢哋想將三色貓轉名比我哋。
實情原來係，三色貓一直都有返去探佢哋，大約每兩日就會返去食下嘢，玩一陣先走。
直到最近兩星期，佢開始無出現，女主人開始擔心，擔心佢俾壞人捉咗，又擔心佢遇到意外，男主人見狀，就打來問吓。
當佢知道三色貓一切安好時，即刻呼出一口氣，顯得好開心，放下心頭大石。
其實我心裡暗暗覺得，三色貓除咗我哋兩家人，應該仲有其他家庭照顧緊佢。
呢隻小鬼，單憑佢呢副sweet爆嘅模樣，響出面絕對可以左右逢源。
原來佢仲幾有良心，無完全忘記前主人，話晒佢哋一家，都係佢救命恩人嚟㗎。。。