強悍

開始進入嚴冬啦，某幾個星期，四周都係呢啲剪樹去雜草嘅工程，特別係路軌同公路旁邊，見得特別多。

一邊係響度剪樹。
唔好睇少呢啲工作呀，做得唔好，分分鐘影響到成個交通網絡嘅運作，整理得唔好，令架車出意外，大家就要响凍冰冰嘅天氣等接駁車。

我同王子都發現咗一樣嘢，係所有嘅工人，都係外地人，或者，呢個係我哋難民政策嘅主因？？
另一樣呢，係男人堆中，主管其實係女人，德國人，主要係望住佢哋做，睇住佢哋無做錯，一見到做得唔啱，就會行埋去叫負責嘅人做返好，好有威嚴㗎。
突然諗起，呢類以男人為主嘅工種，由女人做主管，响香港應該好少見吧。
其實我心目中，德國女人响身體上同精神上，都幾強悍，好多時候，男人做到嘅，佢哋都做到，而且對於工種上嘅男女概念，會薄弱好多。
王子見狀便問我：咁，香港女人，強悍嗎？？？
哈哈，我諗，係另一方面嘅強悍。。。啩？？