簡易乳酪烤餅

是日，做個簡易乳酪烤餅，係免搓同免焗爐版，啱晒懶人。
800g麵粉加入1茶匙鹽，1湯匙糖，拌勻。
加入適量酵母，500g低脂原味乳酪（要先放至室溫），4湯匙橄欖油，拌勻。
慢慢加入約250－300ml暖水，拌勻。

直至見唔到粉粒，麵糰會好濕，用布蓋住。

一個半小時左右，變成咁，可以攪拌吓佢，再用布蓋住。

再過多一個半小時左右，變成咁，成個麵糰軟淋淋，裡面充滿汽泡。

燒熱鑊，中火，掃油，整濕雙手同刮刀，切出一份麵糰，唔好再搓，因為麵團會好黐手，只需要拉成塊狀，放在鑊上，唔駛加蓋，煎至兩邊金黃。
麵糰裡面好多氣泡，個餅好易熟，每面大約煎6－7分鐘已經可以。

煎好就可以放在架上放涼，剛剛做好嘅烤餅外脆內軟，而且好有麵粉香，好味呢。
每次我做嘅份量都好多，因為王子很愛此物，除咗趁熱晚餐時候食，仲要留比佢pack lunch同早餐食。