椰菜節（1）

週六，天氣好到不得了，王子要返公司加班，我就去椰菜節趁熱鬧。
呢個係全德國最大嘅椰菜節，分三個地點，我打算去兩個。
椰菜人有糖果派，不過淨係細路先有份。

開幕嘅時候，佢哋打開咗呢個新釀製嘅木桶啤酒，慶祝秋收嘅到來。
工作人員可以隨時响呢度免費攞啤酒飲。
跟住，就開始有樂隊演奏。

大部分响度嘅人都係飲啤酒，聽下歌，同食食食，超多食嘅檔口同餐車。
有啲仲幾靚添。

呢架車係用嚟烤栗子嘅。

呢啲係本地出產嘅農作物整成嘅鄉村批，幾好味架，我有時都會買。

買嘢亦都係今日嘅主題之一，主要係買呢度嘅本地農產品。

睇下架貨車幾多尖椰菜，係呢度嘅名物，據說營養價值比一般椰菜高，味道亦較甜同爽口。

阿小朋友响後面辛勤咁工作。

後面係切絲機器，佢負責將啲新鮮椰菜絲磅重。

新鮮椰菜絲會一袋袋咁賣，買番屋企，加啲汁料調味，就可以食啦，好似食日式炸豬扒旁邊果堆椰菜咁，幾好食㗎。
仲有農夫自家製嘅酸菜，有紅椰菜又有青椰菜。
有包裝。

罐裝。

最受歡迎係桶裝，比較新鮮。

食夠買夠可以運動吓，有網球會向小朋友推廣打網球。

仲有教練教添。

仲有單車會推廣多啲踩單車，少啲用車。
呢個係同心協力踩單車活動，湊夠人就可以一齊踩去另一個椰菜節地點。
椰菜人都有份踩呀！！

唔夠人就麻煩啦，蟻躝咁慢，阻住晒後面啲車。

我唔踩啦，等免費接駁巴士，去下一站。