蘋果肉桂布甸批

王子下午嘅會議突然取消，可以提早回家，開心不已。
最開心嘅莫過係三色貓，突然中午見到王子返屋企，好愕然，然後突然變得好嬌嗲，好開心。
午飯過後，外面天色好差。
王子突然跟我說，雪櫃仲有好多蘋果喎，明顯係弦外之音。
不過我都有時間，就用埋剩下嘅十幾個蘋果，做個批出來吧。

今次整嘅係蘋果肉桂布甸批，係健康版嘅蘋果批，好多蘋果，低糖，批皮係用橄欖油而唔係用牛油整。
我好少做批，家中連做批嘅模具都無，有啲疏於練習，但係竟然又整得ok喎，而且，仲好記得點整，完全唔使跟食譜，都整得出。。。
有人不斷食，今晚，唔駛煮飯啦，王子仲主動提議，嚟緊嘅週末，會去同一地點踩單車，順便摘多啲蘋果。。。。。。好明顯，又係弦外之音。