入秋

天氣真係開始越來越冷，長袖衫同外套又開始出動啦。
睇怕再過多一兩個星期，又係衣櫥換季嘅時候。
是日，都係普通家常便飯嘢。

清理緊小菜園嘅粟米，於是呢排煲素湯，一定會落粟米。

突然間好想食肉，於是整咗糖醋小排骨，帶點醋香，呢個餸次次整，都食唔停口，王子次次都要求我多啲整，明日帶飯要呢個餸云云。
哈哈，偶然啦，肉不能多吃啊，而且見親呢個餸，佢都控制唔到自己。。。

再來個清炒時蔬，家常便飯，莫過於此。