周日出走（2）

走入酒村莊，見到好多舊屋呢。

呢間有啲又靚，原來係賣自家製嘅酒同鄉村批。

講過信字，無人看檔㗎，想買自己斟，然後放低銀兩走人。

呢度好多舊屋睇，又有酒賣，所以周日都唔少本地遊客揸車嚟行吓，散下步。

啲屋好新淨，明顯係有打理過。

呢間好迷你，好似玩具屋咁，唔知入面大唔大間呢？？

下面兩間係打對面嘅，佢哋各自種咗葡萄樹，然後靠著葡萄樹嘅枝葉，連繫著兩間屋，好別緻啊。

見到好休閒嘅貓星人，坐响高處望住。

一叫佢，真係跑落嚟，好乖添，王子摸佢，佢超開心呢。

遠遠又有隻黑白貓望住我哋，一知道我發現咗佢，即刻扮晒嘢拎歪面。

王子覺得佢好靚，黑色當中有啲花紋，對眼係黃色嘅呢，可惜影唔到佢正面。

繼續行。

又有貓！！

樣子雖然有啲邪惡，但係其實勁乖巧。
又係黃色眼，唔通。。。同上一隻猫係親戚？？？
呢條真係貓星村，我哋最後加加埋埋，見到成九隻貓。。。
開始，有啲掛住我家嘅三色貓啦。。。

又係時候離開呢個小村莊，繼續行啦。