森林行

上個週日，天氣好到不得了，過了這村沒這店，咁好天唔出去，真係唔知幾時再見。。。
我同王子決定去行山，來個森林行。
走入森林無耐，就見到訊號發射塔，係提供附近嘅電話，電視，收音機等嘅訊號塔。

秋天，森林內長出大量菇菇。

部份木材已經一早斬好，放响度風乾，佢哋一早有編號同買家。

王子突然大叫，原來藍天突然出現一大群飛鳥，好壯觀。

又有飛機留下嘅人造雲軌跡。

天氣真係好，又暖笠笠，唔出嚟行下真係好浪費。

好多地方，都話俾你聽，秋天，已經走咗一半。

行行下，見到一大堆荒廢嘅蘋果樹，好多好多蘋果呀。。。。

於是揀咗幾棵摘嚟試味。

竟然幾好味喎，同出面買嘅一樣！
立刻叫王子摘多啲，點知條友懶，依依哦哦，咁我唔理佢，淨係講咗句：隨你啦，我仲諗住今晚整蘋果肉桂卷比你做飯後甜品添。。。
我再回頭嘅時候，有人已經趴咗上樹，係咁摘。。。
做人原來真係唔係靠實力，係靠動力。。。

秋天，真係幾靚呢。