我的網誌清單

2016年10月5日星期三

最近王子工作繁重,有時午飯時間都只有幾分鐘。
這天,佢開足一日會,中間基本上無停過講嘢,回家跟我說,佢講嘢講到喉嚨痛。
那麼,便不要再說話,讓嗓子休息一下嘛。
原來,佢同事嘅太太投訴,丈夫回家後好少說話,真正嘅原因係,佢已經講咗一日嘢,返屋企已經唔想再開聲講嘢,而太太很年輕,成熟程度跟丈夫有段距離,有點小公主脾氣,所以鬧得有點不愉快。
王子怕我有同感,所以盡量同我講嘢。
哈哈哈,我立刻跟佢說,情況都唔一樣,我邊有咁年輕呢??諗法唔會一樣啦。。。


講返個晚餐,幸好今晚嘅晚餐好清淡,好適合喉嚨痛嘅王子。
是日晚餐係青口雜菜湯配飯,天氣冷,晚餐有湯真係唔錯。
一人一大碗,湯頭好鮮味,鹽都唔使落,而且仲係無油餐,之前一日食咗好多肉,今日食返清啲補數,一碗湯,加一小碗飯,清淡嘅一餐,王子卻很喜歡,這類型嘅晚餐,我會多點煮。

26 則留言:

  1. 我以為只有啲call center or老師先要一日講到黑。

    回覆刪除
    回覆
    1. 唔係㗎,我反而覺得好多工種都要成日講嘢

      刪除
  2. 每人相處方式都唔一樣嘛

    回覆刪除
    回覆
    1. 唔係咁簡單啦,兩個人相處嘅技巧確實要不斷學習

      刪除
  3. 不嬲都知你對王子好識做㗎啦……

    回覆刪除
    回覆
    1. 佢識做,我又識做,咁大家happy囉

      刪除
  4. 我都係架,返工講得多,在家同老DAD會少講野,連聽佢講野都有時覺得煩(好衰女呀!)。所以我在家都唔會再同朋友講電話。寫下blog 就OK。

    回覆刪除
    回覆
    1. 我好明白,我都試過係咁,個人其實好攰,想靜吓,休息吓

      刪除
  5. 回家有碗靚湯飲,乜都補返晒XXD

    回覆刪除
    回覆
    1. 我都叫佢飲吓湯,同沖咗啲杞子圓肉蜜糖水俾佢,叫佢去睇電視

      刪除
  6. 剛巧昨晚我女女一回家就投訴同顧客聊天講到喉嚨痛,冇辦法啦,做工係咁㗎啦。

    回覆刪除
    回覆
    1. 係呀,不過我怕王子講到喉嚨痛,所以我都買咗啲潤喉茶俾佢响公司飲,同比咗啲喉糖佢放公司

      刪除
  7. 回覆
    1. 係呀,有湯有餸,加啲飯就夠啦

      刪除
  8. 我覺得同年紀無乜關係,主要係你夠體貼 ^_^
    秋風起我都開始煲湯啦!暖入心的感覺真好!

    回覆刪除
    回覆
    1. 我發覺王子身邊嘅同事朋友都有幾對年齡差距大嘅,都有類似問題,有時我諗,有啲嘢,真係要年紀大啲,成熟的,先會學得識。。。
      我一時時咋,有時都會火大㗎
      你都開始煲湯?煲中湯定西湯?

      刪除
    2. 我的湯無你咁好料,好單調,主要煲豬骨、豬尾湯 (先焗出晒油,個湯好清),最近不停煲洋蔥薯仔湯,因為入秋後佢地平到喊﹗

      刪除
  9. 賢慧的老婆, 王子有福氣.

    回覆刪除
    回覆
    1. 都係一步一步學,以前都犯過唔少錯誤㗎

      刪除
  10. 有時返工太忙, 返到屋企真係好想熄咗個腦, 起碼要用一個鐘發下呆, 反而我老公會不停同我講嘢, 通常都會比我鬧要佢收嗲..hahahhaha...不過我地兩個都係成年人, 都唔會有咩hard feeling嘅!

    回覆刪除
    回覆
    1. 我覺得兩個人相處真係要學習,有啲嘢,真係年紀大咗先會明白

      刪除