雜穀飯

其實都知白飯營養價值低而糖粉高，但我係軟飯王。
前兩年開始嘗試在白飯中加入糙米，但始終不能成為習慣。

今年應承自己要健康啲，所以開始煮雜穀用來溝白飯，
初時真係有啲唔習慣，太有口感....最近已經接受哂，希望可以持之以恆.....

超似雀粟.....

雜穀係自己溝嘅，裡面有啡糙米、rye (裸麥, 黑麥?)、小麥、buckwheat (蕎麥)、millet (小米)、wild rice (菰米?)、green lentil (兵豆, 濱豆, 扁豆?) 同 pearl barley (珍珠麥?)。

遲啲想試加紅糙米、red lentil 、燕麥同紅豆。你哋有冇其他提議?

參考咗網上多個意見，最後用水浸雜穀過夜第日連白米一齊煮.....唔......仲係好硬lor....

又試過先用明火煮，但要煮半個鐘以上，自覺太浪費能源同時間。

最後發現用壓力煲煮得又快又好，3-5 分鐘已經煮完，仲堅軟。

為咗健康着想，我諗我下步要食少啲白麵粉製品，同研究下點樣用多啲有益嘅麵粉...