全素洋食

久不久都會食素，減低身體負擔及環保環保。
某日又是green day，晚餐為全素洋食。

 先嚟蕃茄無花果沙律

餐湯係忌廉芥蘭頭甘荀湯

主菜係黑松露長通粉

雖然係全素，食完都飽飽。

忌廉芥蘭頭甘荀湯(二人前)

食譜:

材料﹕
芥蘭頭1個切粒
甘荀半條切片
洋葱半個切粒
double cream 2湯匙
蔬菜高湯1杯
水1杯

調味:
海鹽適量
黑胡椒粉少許

用油爆香洋葱，加入芥蘭頭及甘荀炒香，
加入高湯及水煮至蔬菜軟身，
加入鹽，用攪拌機打碎，
若湯太稠可以加水，試味，
將double cream放湯面，灑上黑胡椒粉。