我的網誌清單

2017年3月20日星期一

情不變

天氣開始回暖,又係貓兒嘅求愛期。
唔知你哋仲記唔記得,三色貓嘅兵,黃小兵呢???
黃小兵已經好耐冇响花園出現過啦,我以為佢對三色貓死咗心添。
突然,佢又出現返,仲追住三色貓一齊返嚟,然後兩個開始坐低休息,曬下太陽。


近鏡睇下佢,好似瘦咗喎。
不過佢見我走出來,玩咗一陣就走人啦,而三色貓就返去寢宮Zzzzzz。。。


其實呢,呢幾個月三色貓係有幾隻新兵嘅,不過一直影唔到相,影到先再同大家分享。。。

32 則留言:

  1. 回覆
    1. 係呀,主人照顧得佢好好,不過其實佢啲毛鞋熠熠,唔好摸嘅。。。

      刪除
  2. 回覆
    1. Stella,你係唔係講梗「喵(貓)挑(窈窕)淑女,夫子好述(筆削春秋,述而不作)」呀?咭咭咭咭咭!

      刪除
    2. 呢排好多君子出入我花園。。。

      刪除
  3. 哎呀, 黃小兵有對手了! 可是我支持黃貓啊!

    回覆刪除
    回覆
    1. 我估黃小兵响佢心目中係玩伴,信得過,但係我見過佢對其他兵態度,有興趣得多,係咁同人講嘢㗎

      刪除
  4. 你一講到黃小兵,我就諗起香港早前大大有名的黃小兵啦!

    回覆刪除
  5. 黃小兵係邊度人家㗎?

    回覆刪除
  6. Miss you !!! hehehee, yes, you and 三色貓 both !

    回覆刪除
  7. 我記得黃小兵呀, 好似係細粒咗, 但反而3色貓就肥美咗!其實3色貓叫咩名?

    回覆刪除
    回覆
    1. 係呀,縮晒水,唔知係咪病,所以主人要節制佢飲食
      三色貓呢排好好胃口,成日扭計要食嘢,我哋通常叫佢Mitzimitz,Mitz,或者貓女,或者貓貓,無定㗎

      刪除
  8. 回覆
    1. 係呀,縮晒水,唔知係咪病,所以主人要節制佢飲食

      刪除
  9. 終於有新 post 啦!!!:D 等到頸都長!
    睇見兩隻小鬼真係好開心 :) 黃小兵係瘦左,但仍好靚仔!

    回覆刪除
    回覆
    1. 哈哈哈,出現啦。。。
      佢兩個應該關係幾好,係朋友,而且三色貓好明顯信任黃小兵。。。
      唔知黃小兵係咪病,真係瘦咗兩個碼。。。

      刪除
  10. 黃小兵瘦咗咁多既? 三色猫娘娘果然吸引力強, 招來咁多隻兵.

    回覆刪除
    回覆
    1. 係呀,瘦咗兩個碼。。。
      之前佢主人話佢有重病,飲食方面要好小心,有時仲要幫佢打針,唔知係咪咁,所以瘦咗咁多

      刪除
  11. 貓咪好可愛, 兩小無猜, 有個伴幾好呀.

    回覆刪除
    回覆
    1. 係呀,我睇啲研究話,無論主人有幾錫佢,貓係知道自己同人類係有分別嘅,所以有時佢哋會寂寞,希望同返自己同類玩下

      刪除
  12. 回覆
    1. 見佢哋响花園你追我逐,好得意㗎

      刪除
  13. 小兵好似細隻過三色貓好多咁

    回覆刪除
    回覆
    1. 依家size差唔多,其實以前佢大隻啲㗎,但係有病,所以瘦咗好多,三色貓就好食好住,越來越肥美。。。

      刪除
  14. 最近睇咗bbc貓狗鬥一番,
    研究貓,狗對人類邊個幫助好啲,
    以...服從性,心靈照顧,獨立性,了解人類情感...
    當中協助人類工作不計分,
    結果有趣,貓狗評分原來相若...。

    回覆刪除