新一頁

最近實在太忙，生活有了新變化，皆因新工作開始啦。
剛開始時實在不適應，突然從悠悠閒閒嘅生活，一下子跳進極其忙碌嘅每一天，要學習嘅事情實在太多喇。
幸好，日子有功，進步也隨之而來。
忙碌嘅日子當中，被荒廢嘅豈止網誌，還有亂得一團糟嘅家居，小菜園一度成為森林。
新生活逐漸上軌道，終於有時間打理下。
Swiss Chard已經長得高高大大，實在唔錯，有時忙到連買餸都冇時間，响小菜園摘就有得食。

這個是萵筍，我很愛吃，本來種了不少，但最後能長大成人嘅卻不多。。。
已經食咗一次，好清香好爽口啊。

還有王子嘅心愛紅莓，唔駛理，自己生，應該兩個月後開始有收成啦。

蔥同莞茜都唔得閒食，都開花啦。

家中種了大量蜜糖豆同荷蘭豆，都開花啦，應該好快有收成。

沙律菜都長成巨人，有機會都要快快食。。。

還有心肝椗三色貓，都被忽略了，每次我出門小鬼都尾隨同喊，而且鄰居跟我們說，它整天在我家大門前坐，唔肯走，就係要等到我哋返屋企。

幸好佢都開始習慣，而且天生愛蒲，自己出去玩都冇問題，但係就每朝清晨同晚上，都要同佢錫錫同抱抱，放假嘅日子就更加要補償佢，陪佢多一點。