我的網誌清單

2017年2月12日星期日

慶生發小財

這一年嘅慶生,依然係享受一連串嘅免費活動,仲好,唔駛諗。
另一個特備活動,係發小財。


買下新居嘅時候,有一個附帶條件,係屋內所有遺物,要由我同王子處理。
前屋主係獨居老人,早年喪偶,無仔女亦無乜親戚,據說生前很多病痛,但又好長命;好孤獨,但又好富有。
遺產平均分配比四個契仔契女,所謂契仔契女,其實都已經係幾個75歲以上嘅老人家,分別住在德國唔同地方。
因此,無人願意(亦無能力)處理遺物。
遺物中,有唔少得意嘢,當然有啲係值錢嘅。
慶生日,終於有時間同王子一齊去處理一部分,係超過40年歷史嘅馬克,有一部分,仲係奧林匹克運動會嘅紀念錢幣。
處理馬克,我哋有好幾個方法,最常見係去中央銀行,另一個方法,係等百貨公司有特別日子,容許顧客用馬克買嘢。
通常去百貨公司,匯率會著數少少,但係又逼住要買嘢。
所以,我同王子都係揀咗用中央銀行。
加加埋埋,除咗有一疊紙幣,仲有十幾kg嘅硬幣。
一去到中央銀行,對方已經笑住講,啲馬克咁舊,肯定係老人留比你哋嘅。。。
我都係第一次見到分錢機器,原來睇住人哋數自己嘅錢,真係好開心㗎。。。kakaka。。。
原來機器只可以處理面額細的嘅硬幣,紙幣同面額大嘅硬幣,都要用人手處理,終於,部門嘅幾個同事,都要出嚟幫手數錢。

响中央銀行走返出嚟,我同王子講,我哋個頭先個樣,應該好開心,額頭鑿住個貪字。。。哈哈哈。。。

開心就好,慶生發小財,係應該開心嘅。。。期待下次,再發小財。。。

31 則留言:

  1. 恭喜恭喜...發達喇!
    我地香港無哩味嘢,
    可以攞哂上手業主啲遺產去賣,
    啲古懂好值錢...成為百萬富翁!!

    回覆刪除
    回覆
    1. 哈...令我都太開心,唔記得祝妳生日快樂!

      刪除
    2. 多謝祝福!
      我哋初頭都覺得好奇怪,點解完全唔check吓有無貴重嘢呢。。。定係,唔志在??!!

      刪除
  2. 原來賣屋都可以有呢D要求

    回覆刪除
  3. 分分鐘尋到寶,生日快樂!

    回覆刪除
    回覆
    1. 多謝祝福!
      真係唔識分草定係寶,要搵專家幫手

      刪除
  4. 聽你咁講,呢啲財富應該仲有…
    陸續有來呀?
    祝生日快樂!

    回覆刪除
    回覆
    1. 多謝祝福!
      仲有一批,係古物,但係唔識分草定係寶,要搵專家幫手啦

      刪除
  5. 這個附帶條件很特別。英國要付遺產稅,有得攞但都可能要嘔突。

    回覆刪除
    回覆
    1. 多謝祝福!
      我哋都有遺產稅,唔駛嘔突,通常扣除咗先比返

      刪除
  6. 生日快樂!
    快啲拆咗間屋,掘起個花園睇吓仲有冇寶藏啦.

    回覆刪除
    回覆
    1. 多謝祝福!
      你好似想跣我喎。。。kakaka。。。

      刪除
  7. Happy birthday. May good luck and good health be with you and your hubby always.

    回覆刪除
  8. 奧林匹克運動會嘅紀念錢幣 ...會好值錢,你發逹!

    回覆刪除
    回覆
    1. 唔係呀,無特別貴
      反而係仲有一批古物,唔知會唔會當中有值錢嘢

      刪除
  9. Happy birthday~~~!!
    拎去中央銀行咁匯率係兌幾多歐元?
    有冇留返幾個奧運幣留念呢?

    回覆刪除
    回覆
    1. 多謝祝福!
      個匯率係固定嘅,大概係2馬克兌1歐羅
      我無留奧運幣做紀念呀,我無乜心機儲嘢呢

      刪除
  10. Happy Birthday Li J, God bless !!!!

    回覆刪除
  11. 生日快樂! 德國買屋咁得意既.

    回覆刪除
    回覆
    1. 多謝祝福!
      係呀,千奇百怪,屋契同手續都繁複好多

      刪除