我的網誌清單

2016年12月22日星期四

Mittelalterlicher Adventsmarkt Stettenfels(2)

其實呢度都幾多嘢賣。
呢個我同王子都覺得幾過癮,响個鐵波上面整咗唔同圖案,有啲仲係人樣,跟住將火種放中間,揸住佢就可以照明,而且响黑暗中會見到圖案,我諗起武林聖火令呀,唔知仲有冇人記得呢???


仲有呢啲中世紀嘅廚具。


哪哪哪,呢度真係好認真㗎,呢度連賣聖誕酒,都用中世紀嘅鐵杯,我都係第一次見咋。


個城堡有城池圍住,時間尚早,仲未係好多人。


影吓個城堡先。


門口有中世紀守衛,佢哋係古惑守衛,特別鍾意整蠱老人家,我前面幾個老人家被佢哋截住,要跳返part舞被佢哋睇先放佢哋入去。


入到城堡有個中庭,好多檔口,呢檔係賣陶樂器嘅,有啲似啲西洋古裝片,啲俠士夜麻麻無嘢做,就會响個衫袋搵個樂器出嚟吹,解下悶咁啦。


呢個係全場最辛苦嘅工作人員之一,身兼多職,佢係今日嘅小丑。


仲有中世紀碌齡。


見好難碌吓,冇乜人成功。


睇吓啲保齡球樽,好別緻㗎。


呢檔係聲稱好受歡迎,年年有嘅。


佢係養鼠人呀。
啲鼠係自己養,乾淨嘅,可以摸,呢隻係巴西品種喎,好神奇,佢哋係唔會走,唔會離開張枱㗎,但係如果有帶狗隻入場,就唔可以行咁埋囉。


呢個係競猜遊戲,估吓鼠落誰家。


仲有另一個品種。


唔知你見唔見到啦。養鼠人話係蒙古品種喎。


仲有呢個地下室購買中心,不過依家有節目,一陣先嚟睇。


其實全日响唔同地點都有唔同嘅表現節目,第一個我哋睇嘅係中世紀勁歌金曲,响小教堂舉行。
佢哋真係演奏同唱番中世紀時代嘅流行曲,而且表現之前會解釋吓首歌嘅出處,作曲者,大致內容等等。
表現嘅曲目除咗有歐洲歌,仲有猶太歌,中東歌,土耳其歌等等,係以小調為主。


聽一陣歌,又夠鐘出去睇小丑表現啦,呢個表演好精彩,睇到啲細路哈哈笑。


小丑表演完,又輪到另一輯嘅勁歌金曲啦。
呢個組合又係表演中世紀流行曲,不過係以快歌為主。


跟住去睇啲細路打假獵。


啲打獵用具都好認真㗎。


見到呢檔賣嘅幾特別。


係烤全豬,我見佢不斷切,有人買就裝入盒,睇樣,就唔覺得好食囉。


24 則留言:

  1. 真係好多嘢睇喎.要入場費都值。

    回覆刪除
    回覆
    1. 抵呀,仲要包埋泊車同接駁巴士喎

      刪除
  2. 幾年前我這邊都有市集賣燒全豬,有好多人幇襯,但唔知點解依家反而冇咗?
    你今次介紹的很多樣化呀,你哋已經放緊假嗎?

    回覆刪除
  3. 果次我去那聖誕 market 就係想食烤全豬囉,點知無喎

    回覆刪除
    回覆
    1. 我今次見呢隻比佢砌到碎濕濕,唔吸引呢

      刪除
  4. 好多節目啊, 我對個樂器有興趣, 你有無買番D呢?

    回覆刪除
    回覆
    1. 冇呀,但係見到個檔主示範,幾好聽㗎

      刪除
  5. 武林聖火令 -- 係咪以前電視啲電影個啲?

    回覆刪除
    回覆
    1. 好似係電視劇,不過我唔記得邊套lu

      刪除
  6. 好有氣氛好得意!好中意D保齡球樽, 好似自己用木刻.鼠鼠個水樽都用麻布包住真係好認真!!

    回覆刪除
    回覆
    1. 呢度真係好認真,盡量做到樣樣嘢都係中世紀

      刪除
  7. 我記得戲裡面有D俠士係吹樹葉

    回覆刪除
  8. 呢個市集好正呀, 咁多中古時期既嘢睇. 你有無買嗰支火把呀? 好似好好玩咁.

    回覆刪除
    回覆
    1. 我有同王子商量過,不過我哋大人真係冇乜機會玩,反而如果有小朋友,就應該會買返支,有唔少機會可以玩

      刪除