侍寢

入冬以後，三色貓好多時唔可以响外面玩咁耐，留在室內嘅時間多咗，我發覺佢夜晚一個孤伶伶响客廳瞓梳化，顯得有點落寞。
於是有幾晚，以免騷擾王子，我嘗試搬到客房睡，三色貓就可以同我一齊瞓覺。
佢，當然開心到爆炸。
後來，王子提議，試下二人一貓一齊睡，發覺又冇乜問題喎，佢好乖好靜，冇乜騷擾我哋。
就這樣，貓之侍寢生涯就開始咗啦，不過，究竟係邊個侍邊個寢呢？？？
這天，剛剛換上新床單，三色貓响旁邊勁興奮，馬上跳上來試試。

有貓巧滿意，覺得巧舒服，立刻詐瞓。

但係又出動蛇喱眼睇下我响度做乜。

擺出個可愛萌樣，攞你命三千，等你冇得趕佢去瞓梳化。

真係巧舒服，啲羽絨好厚，軟淋淋，唔該唔好趕我走啦。。。