小腳印

我家三色貓，確實係一隻貪玩小鬼。
落雪，都阻止唔到佢呢顆想去玩嘅心。
其他貓都唔多鍾意落雨同落雪，三色貓就完全唔理，想去玩就去玩，完全唔怕濕身。

這幾天都有雪，雪地上留下它的小腳印，煞是可愛。
為什麼有咁多腳印呢？因為佢竟然响落雪嘅日子，依然捉到老鼠，大叻女啦！！仲好興奮咁帶返嚟被我同王子睇，咁，叼著老鼠就梗係唔俾入屋啦，於是有人將隻老鼠當玩具咁玩，點知玩玩吓，比隻老鼠走甩咗，三色貓發覺唔見咗隻老鼠，即刻好不安，瘋癲咁跳來跳去，睇吓隻老鼠匿埋咗响邊。
看見呢堆小腳印，覺得太可愛，把它們拍下來，做個留念。