苦悶

氣溫突然驟降，晚間跌到得零下十二度，日間最高都係得零下五度。
我哋城內已經算係暖，山區地方更甚，最低會跌到零下二十五度。
我家三色貓，終於頂唔住，完全出唔到街。
有好幾次，佢嘗試出去，但係實在太凍，响門口坐咗幾分鐘，就頂唔住，想返入屋。

平時玩慣嘅佢，被逼滯留屋內，個樣好苦悶啊。。。
因為太悶，但係又有太多精力，佢周屋走，又成日貓貓叫，顯得好不安。
王子見到佢咁，就責備佢，話佢自己唔肯出街但係響度嘈嘈閉。
大佬呀，佢細個咋，唔係蠢㗎，你估佢感覺唔到出面好凍㗎？？？你試下出去坐幾分鐘睇下點。。。
無計啦，呢啲冰天雪地天氣都仲要挨一陣，你件皮草又咁薄，忍下啦，貓公主。。。