三色除夕夜

今年除夕夜，係三色貓第一個响我家過嘅新年。
除夕夜，對好多本地人嚟講，尤其係細路，係非常期待嘅一晚，因為係唯一一晚，可以放煙花，所以聖誕後嘅幾日，所有超市都主力賣煙花，賣到最後一刻。
我同王子都唔特別鍾意玩煙花，而且外面係零下氣溫，真係咪搞喇，但係好多人就玩到不亦樂乎，我家可以睇到煙花，所以只要望出窗外，就可以睇到靚靚煙花，啲人玩咗成晚之後，外面嘅空氣變得好差，朦朦朧朧，即使我哋嘅門窗緊閉，依然可以响屋內聞到燒煙花嘅味道。
三色貓呢，就一啲都唔享受啦，除夕夜，係佢哋嘅驚嚇夜，砰砰砰砰嘅聲音，令貓貓們好驚。
以前王子養嘅貓，都會驚慌到成晚匿埋响地牢，三色貓真係比較勇敢，竟然好幾次走出門外睇下發生乜嘢事，一見到外面周圍都係火光，就知驚轉返入屋，但係佢又好奇，於是成晚都响大門附近徘徊，不安之中又帶點八卦。
清醒依然有人响度玩，於是佢無覺好瞓，新年第一日，有隻貓兒好眼瞓。

眼皮好重。。。。。ZZZZzzzz

忍唔到啦。。。。

見我阻住佢瞓覺，即刻流露出鄙視，想發老脾嘅串串貢衰樣出嚟。                          
喂！你影完未呀？？唔好阻住我瞓覺呀，一陣仲要出去同其他街坊鄰居拜個西人年，逗零食㗎！！