我的網誌清單

2017年1月22日星期日

施比受更為有福

我諗大家都會認同,我家三色貓真係好得寵,好好命水。
不過,幸福唔係必然,有好多,連食都無得食,完全無人照顧。
這天,我打開三色貓嘅糧倉,打算將佢唔鍾意食嘅貓糧同零食,全部捐晒出去。
佢見到我搞佢個糧倉,即係好緊張,唔知我想點,三色呀三色,施比受更為有福呀。
其實呢度只係一部分,另外一部份會比三色貓再試試,如果佢都係唔like,就捐晒出去吧。
王子見到呢堆嘢,忍唔住話佢:三色你真係太得寵啦,出面大把貓無嘢食,你仲有得揀食乜嘢。。。跟住,又錫吓佢,摸下佢。。。


之前其實一直打算攞去捐,不過次次出門口前,都唔記得咗。
是日反正去夜購,一早就執定一袋,就唔會忘記啦。
呢個係個捐獻箱,放响某超市嘅入口,收到會送到城裡面嘅寵物之家。
基本上,佢冇指定要乜嘢動物糧,除咗貓狗,我見仲有人捐兔仔,雀鳥,魚,倉鼠等等嘅糧。


其實超市都好合作,每逢寵物之家唔夠糧,就會响超市內嘅入口同收銀地方,擺一大堆糧,等啲人俾錢時,順手買多包,走嘅時候,就放落個箱度,呢個真係好方法。

26 則留言:

  1. 我街坊都有自發攪呢D捐糧活動, 都係被 shelter

    回覆刪除
    回覆
    1. 依家天氣咁凍,班細路食唔飽真係好慘

      刪除
  2. dingding又係成日獨沽一味只食一種罐/乾糧,攞親sample都唔啱佢口味,身在福中不知福,不過都好當益浪浪,通常我會一次過比晒義工。

    回覆刪除
    回覆
    1. 其實佢好多口味都食㗎,不過因為好錫佢,次次去超市都會去行寵物部買嘢比佢
      啲流浪嘅真係好慘,其實如果去到動物之家嗰啲,已經算好彩

      刪除
  3. 我在英國未見過這類捐贈,你地好有愛心呢

    回覆刪除
    回覆
    1. 我哋一直都有㗎,有時動物之家仲會特登搞活動籌款
      都唔算有愛心,其實唔係因為三色貓有嘢淨低,我都打算買啲去捐,天氣咁嚴寒,班小朋友食唔飽好慘

      刪除
  4. 你講得啱呀,好似我隔離屋就養了四隻貓,租屋嘅係單親又點夠糧食俾的貓吃?
    最近佢哋又養多咗隻狗,搞到啲貓常常走來我度等我俾食物。好似昨日,有一隻在我門口等了兩個多鐘(因為剛巧沒啱佢口味的食糧),我心想,成日都冇飽食,莫非佢想移民到我屋企?

    回覆刪除
    回覆
    1. 如果佢可以响你屋企食飽啲,而你又愛錫佢,佢真係會走人㗎,不過你鄰居可能會唔多高興。。。

      刪除
  5. 似乎都多人捐喎.我呢邊好多時見個箱都係空空的。

    回覆刪除
    回覆
    1. 我通常最少都見到有三成滿,反而有幾次見到滿到瀉,最誇張有次見到有個男人買咗48罐大狗糧去捐添

      刪除
  6. 香港有人類食物銀行,動物未發展到。

    回覆刪除
    回覆
    1. 我諗如果係香港,搵地方養應該困難過叫人捐錢/捐動物糧

      刪除
  7. 回覆
    1. 佢其實都做過一個月左右既流浪貓,聽講佢當時都捱咗唔少苦頭

      刪除
  8. 回覆
    1. 如果遇著主人唔愛惜佢哋,真係好慘

      刪除
  9. 捐糧捐錢都有意義,捐糧又環保物盡其用,不過養寵物始終係要停一停諗一諗先,唔好胡亂棄養

    回覆刪除
    回覆
    1. 我諗好多人都無呢個自制能力,亦無諗過寵物被遺棄其實會好傷佢哋心

      刪除
  10. 拎去捐咗好好多,咁多...
    屋企又番啲慳位,毛孩又受惠

    回覆刪除
    回覆
    1. 其實我打算買啲再捐,今個冬天好嚴寒,毛孩會食多咗,佢哋應該需要多啲糧

      刪除
  11. 回覆
    1. 係呀,雖然都做過一個月左右既流浪貓,搞到皮包骨,但係好好彩,上手主人收養咗佢

      刪除
  12. 這個方法幾好喎, 天氣冷毛孩係出邊好慘慘豬.

    回覆刪除
    回覆
    1. 係呀,去到寵物之家嗰啲都好啲,如果成個冬天咁樣响出面無人照顧,真係會凍c,或者餓c

      刪除
  13. 回覆
    1. 係囉,啲小朋友凍冰冰冇得食好慘

      刪除