我的網誌清單

2017年1月11日星期三

Walk The Cat

三色貓嚟咗我哋屋企無幾耐之後,某天我想外出買點東西,佢死跟住,就係咁,開始咗我walk the cat嘅生涯。
Walk the dog好普遍,但係walk the cat真係少見,要睇下隻貓嘅性格。
我冇用貓帶,因為三色貓一定會唔鐘意,同埋怕佢有危險。
鄰居同附近嘅街坊見到,都覺得好驚奇,話從來未見過唔用貓帶去walk the cat,紛紛問我點訓練佢,難唔難,有乜要注意等等。
不過有啲貓主就話,佢哋都試過,係得嘅,但係就要睇下隻貓囉,大部分貓都係唔得嘅。
這天,見有時間,著好衫,大聲叫三色貓:去。街。啦。。。。。
條友即刻撲出嚟,見我着好衫,已經知道我陪佢散步,興奮不已。
睇下佢個傻樣,幾搞笑啊。。。


其實walk the cat同walk the dog有好大分別,狗同主人永遠係上下級嘅關係。
貓唔一樣,佢覺得自己同主人係同級,所以並唔係主人帶著佢行,而係同行嘅關係。
通常行嘅地方,都係離開屋企唔太遠嘅地方,以免佢害怕。
見到呢啲坑渠蓋佢就開心啦,因為有窿窿,可以俾佢望入去,滿足佢好奇心。


貓嘅警覺性好大,行行下,會望返轉頭,睇下有無危險,無事就繼續行,有時就先匿埋,等啲危險過晒先出返嚟。


好似警察咁,要檢查清楚啲樹叢有冇老鼠,貓好好記性㗎,但凡佢經常捉到老鼠嘅位,佢一定唔放過。


捉老鼠之餘,都要瞻前顧後。


另外就係轉入彎位啦,要先望清楚有冇危險。


小心向前行。


覺得安全,腳步就會變得輕鬆,大踏步神情確威武。


大部分時候,我哋都係一齊返屋企嘅。
呢日,佢好有好奇心,走咗落地下停車場玩,呢個係貓gathering嘅熱點,所以佢左聞右聞,睇下有無其他貓嘅氣味。


見佢落去玩,咁我就唔等佢啦,玩完,佢自己識得返屋企嘅,好醒目㗎。


28 則留言:

  1. 遛狗見得多,貓我真係未見過. 唔怕佢撇咗你去玩咩?畀我就唔知等唔等佢好.

    回覆刪除
    回覆
    1. 其實都有貓繩賣㗎,不過好多貓都唔會聽主人話,所以買咗都未必用得著,但係有啲主人真係想睇下佢出街,等佢無咁悶,都會買嚟試下得唔得
      通常我會等佢一陣,叫佢幾聲,佢唔返轉頭搵我,我就走人,各自各返屋企囉,貓個腦有個地圖,而且好好記性,只要啲路佢行過,就會識返屋企

      刪除
  2. 三色貓好醒目啊, 其實我都知道兔仔都得, 我見過帶兔仔去公園跑.

    回覆刪除
    回覆
    1. 兔仔我反而見過幾次,佢哋聽話好多,但係一定要綁繩,佢哋唔識自己返屋企,同埋預咗啲細路埋佢身摸佢

      刪除
  3. 呢隻貓望落有啲似老虎,尤其是條尾巴又長又粗又夠直……

    回覆刪除
    回覆
    1. 有啲仲似呀,個身真係一間間,好似隻迷你老虎咁

      刪除
  4. 條尾巴拉得又長又夠直……個張相,很有趣!

    回覆刪除
    回覆
    1. 我都鍾意,個神態同步姿都好可愛,可惜唔夠清晰

      刪除
  5. 佢好可愛,walk the cat 哈~哈~哈

    回覆刪除
    回覆
    1. 佢係幾得意,幾sweet,但係有時都幾煩㗎

      刪除
    2. 我收養GE BEBE狗一樣,越忙GE時候,佢就寃住你,要咁樣要嗰樣~

      刪除
  6. 三色貓好似精探咁,好可愛呀!

    回覆刪除
    回覆
    1. 係呀,佢好八卦㗎,肯定係收風王!!

      刪除
  7. 三色貓:去。街。啦<=====好勁呀佢識聽廣東話@@
    佢負責四圍探聽動靜,你好似多咗個隨身保鏢咁wakakakaka....

    回覆刪除
    回覆
    1. 加埋之前主人嘅訓練,佢識多國語言㗎,但係依然係一隻文盲,哈哈哈
      佢超級八卦,連鄰居都話成日比佢偷窺

      刪除
  8. 少爺睬我都傻, Rouquin 就係宅貓, 我從來唔會 walk the cat ^^

    回覆刪除
    回覆
    1. 大部分貓都係咁,所以walk the cat好少見

      刪除
  9. 回覆
    1. 佢開始適應咗落雪,而且佢真係悶到發慌,所以見天氣ok,就陪吓佢囉

      刪除
  10. 回覆
    1. 佢係幾得意,幾sweet,但係有時都幾煩㗎

      刪除
  11. 我一向都比較驚貓,好驚望貓的眼睛,不過三色貓又好鬼得意喎

    回覆刪除
    回覆
    1. 我以前都怕貓㗎,比較鍾意狗,啱啱三色貓嚟嘅時候,我照顧佢都好小心,發覺佢哋真係比較慢熱,熟絡咗就ok

      刪除
  12. 哈....所以話狗角色喺好伙記、好同伴、佢會照顧大家
    而貓喺老細、佢指使妳,妳要照顧佢!

    回覆刪除
    回覆
    1. 我都唔望佢照顧我,但求佢唔好扭計,乖乖地,就好心足啦

      刪除
  13. 三色猫真係好可愛呀! 以前我都買過條猫帶想帶猫去行, 但係佢一到樓下就趴喺度唔肯郁, 見到坑渠仲想捐入去匿, 可能佢驚啦. 所以條猫帶用咗一次咁多就無用過.

    回覆刪除
    回覆
    1. 就係咁囉,尤其係平時冇得出街嘅,會好驚,所以要慢慢訓練,我聽講話係要初頭行少少,慢慢再擴闊個領域,咁佢會易啲接受

      刪除