Levanto

雖然好多人會揀La Spezia落腳，再入五漁村。
我唔多想住城市，反而想住海邊小鎮，於是住咗响Levanto。
嚟到之後，我同王子都覺得，呢個決定做得好好。
呢個小鎮，真係好舒服，好悠閒，超市，咖啡店，雪糕店乜都齊，好方便。

呢個小鎮本身都幾靚，氣氛好好，經常見到居民散步，吹水閒聊，飲下咖啡飲下酒。

呢度嘅海好靚，值得一提，呢度海邊可以見到日落時，太陽沉落海中，遇上天氣好，唔好錯過呀。

黃昏時間，燈光昏黃，氣氛又會唔同咗。

小鎮風情，就是這樣啦。

到意大利，特別鍾意睇佢哋嘅麵包店，總覺得好精緻，好溫暖。