Siena (1)

天氣終於放晴，要趁天氣好，去Siena呢個大景點。

Tuscan Architecture係呢度嘅一大特色。
屋係由天然石興建，屋頂瓦片同地板係用陶瓦（Terra cotta）造，所以會比人一種古舊同浪漫嘅感覺，唔會覺得過時。
呢種建築風格崇尚簡約而堅固，牆身通常好厚，又因為係石造，會冬暖夏涼。
輕微斜嘅屋頂，亦係呢種建築風嘅特色。

講完建築風，講返Siena先。
Siena呢個古城，有唔同入口，不過無論你從邊個入口入嚟，人人都一定會去佢個教堂參觀。
不消一會，已經到咗教堂嘅後面，已經覺得佢好靚啦。

呢個係教堂側面。

仲有明顯未完工嘅部份。

因為教堂開放時間不同，所以遊客要自己去門口睇睇，先知果日開幾點。。。

教堂仲未開，咁睇其他景點先啦。
呢個系列展品周圍都係，無記錯嘅話，個藝術家好似係國內人。

四周留意佢哋嘅建築，會發覺好細緻，好靚。