天氣好。心情好

11月，天氣差不多日日都係咁！
日間仲好暖，甚至試過超過20度。。。
天氣好，心情好 。

聖誕市場嘅其中一部分已經整緊，不過咁好天咁暖，暫時未有聖誕氣氛。

是日有露天街市，又去八吓。

 聖誕裝飾都上場啦。

個太陽好強勁呀！
其實最想去睇香草農夫果三檔，點知三檔都無開！又會一齊唔開嘅。。。
轉戰！去大超市！！

終極跳樓貨呀！未見過咁平㗎！

呢隻係Long Island Cheese Pumpkin，本來係萬聖節商品，萬聖節過咗，就要變月下貨。。。
呢隻南瓜本來係用來雕刻嘅 ，不過其實都食得架，我見過未買過，因為相對其他南瓜，佢賣得好貴吓，又唔知係咪真係好食。
好彩生產商有好多資料，拍晒心口話好好食，而且好襟擺，咁平，買買買！

行完大超市意猶未盡（逢親買到跳樓貨都係咁。。。kakaka。。。），轉戰高檔超市。
左手嚟，右手去，買完跳樓貨，自我感覺良好，覺得自己好慳家，於是用"賺咗"嘅，買咗呢支貴油。

係奧地利嘅Styrian Pumpkin Seed Oil南瓜籽油，南瓜籽據說係當地名物，呢類油嘅原產受EU保護，隻油用傳統方法慢慢榨，香氣濃而且獨特，而且十分有益，其中一個好處係：抗衰老喎。

等我遲啲試試係咪真係講到咁勁先！