滷水鵝併盤

超市鵝大減價，平到冇朋友呀。
整好耐無食嘅滷水鵝併盤先。

王子一向對鵝嘅印象係鞋烚烚兼肥淋淋，為咗改變佢嘅諗法，我好俾心機煮呢碟滷水鵝併盤㗎。
我哋買鵝會連內臟，內臟當然一併滷埋啦。
我唔鍾意將啲鵝肉鹵到熟晒，鍾意好似西餐咁，啲肉有啲粉紅先夠嫩嘛。
有人果然係咁食，不過話要我煮多幾次好食嘅鵝菜式，先可以改變佢對鵝嘅印象喎。。。
今次隻鵝其實好靚呀，一啲都唔肥。

屋企有好多芫茜根，唔食好浪費，用佢整咗個酸酸地嘅汁，點鵝肉食會滋味啲。

再加例菜一碟。