無偷懶

入伙後一星期，廚房嘅狀態逐漸由大地盤變成小地盤。
新爐未到，洗碗盆未裝得，廚房無水，成個禮拜煮飯要地牢廚房兩面走。。。
不過我無偷懶架，除咗搬屋日叫過薄餅（因為要慰勞幫手搬屋嘅朋友），日日都係自己煮。

呢個係唔紅嘅番茄薯仔豬骨湯，番茄薯仔係小菜園出品，番茄係黃番茄，所以唔紅。
小菜園嘅番茄已經全部清晒，屋企仲有一批約1kg番茄，就全部食晒喇。

青菜炒麵，青菜也是小菜園出品，有四種青菜响裡面。

仲有素嘅有味飯，昨晚食剩嘅。

我平時覺得煮飯好輕鬆，家陣煮餐飯要上落十幾次樓梯，好辛苦呀！