印度直達

某日王子回家，叫我閉上眼，聞下佢帶咗啲乜嘢返嚟。

原來係印度直達！
印度同事嚟交流，事先問定王子要乜做手信，佢話要芒果，但係芒果過咗造喎。
無芒果，佢就想要木瓜，不過木瓜易爛難帶，於是帶咗呢三種當造生果嚟。
番鬼荔枝同番石榴我哋都無得賣，上一次食應該係旅行嘅時候。
石榴我哋有，不過賣得幾貴（無香港咁貴！！）。
番石榴香味好勁呀，小小幾隻，依家成廚房都係番石榴味。
久違了嘅水果，帶來了久違嘅味道。
不過，我最想食都係榴槤呀！！！