沙嗲牛肉包

焗定包俾王子做早餐。
今次焗半麥包，整咗心心型，中間個窿，可以用來搽果醬。

點知佢好早返屋企，仲話好餓，但淨係想食咸嘢，唔想食甜嘢。
好彩屋企醃咗一盒牛肉，走咗入廚房幾分鐘，就可以捧番一碟沙嗲牛肉出嚟。
咁就有沙嗲牛肉包食啦。
好耐無食沙嗲牛肉包，真係好滋味啊。
我食左呢個咋，其餘一大碟沙嗲牛肉，再加8個包，都去咗王子個胃。。。

好彩仲有一盤包新鮮出爐，聽日早餐依然有着落。