策略

呢排成日要同王子去diy shop補倉，幾乎間間去過。
留意到其中一間，有咁嘅策略。
逢每朝八點至九點，只要有幫襯，可以有杯免費咖啡。

比完錢，自己招呼自己，去撳掣就有嘢飲。
話就話有免費咖啡，不過其實有好多選擇，可以隨便揀。

而且，佢不限次數，幫襯一次就有一杯。
諗唔諗到，點解要每朝八點至九點，先有呢個優惠呢?

其實每朝八點至九點，係一般人趕返工嘅時間，對裝修工人嚟講就係入貨嘅時間，佢哋慣咗早開工早收工，開工前亦會先飲杯咖啡。
裝修工人係diy shop大客仔，買少少嘢已經幾百歐，仲經常要買，呢個策略都幾聰明㗎。