秋耕進展

天氣涼了，小菜園依然繼續有收成。
早前種咗啲新苗，開始成形喇。
估到係乜嗎？

是茼蒿呀，打算用來做日式鍋物。
菠菜都慢慢長大啦。

呢個係黃芽白bb。

豆豆出咗好多，不過仲好細條。
今次種咗蜜糖豆。

暫時得少少大條嘅，摘咗嚟試味。
王子一食，立刻激讚好爽好甜好好食 ，又嫌少。
嫌少都冇辦法，天然耕種係慢啲架啦。

呢排每星期可以收到1.5 kg左右嘅番茄，全部用來做沙律。
Kumato番茄超搞笑，唔知點解，佢呢排係黃色架。

呢隻算有啲啲紅啦。

沙律菜好好，已經食咗5－6次面盆咁大嘅沙律，佢仲係不停生。
不過遲啲佢食味會變差，已經種咗啲新苗取代佢啦。

呢排天氣好啱芥蘭生長，好好食呀!

塌菜食味都唔錯，菜味獨特，嚟緊幾星期都有得食。

影住咁多先，小菜園下次再見！