南瓜羽衣甘藍湯

昨天嘅羽衣甘藍，其中一扎，我用咗嚟煮湯麵。
羽衣甘藍係芥蘭嘅親戚，所以食味有啲似㗎。
另一扎，會用來煮南瓜羽衣甘藍湯，一個清清地嘅西式素湯。

個湯主要用來清腸胃，所以牛油同忌廉都冇落呢。
我仲加咗啲亞麻籽同葵花籽，好有益架。
呢個湯，冇羽衣甘藍嘅話，可以用芥蘭葉或者芥蘭頭葉代替。



南瓜羽衣甘藍湯



材料﹕ 
南瓜300g切粒
洋蔥一個切粒
羽衣甘藍200g
牛奶1/2杯
水／蔬菜高湯2-3杯



調味: 
鹽1/3湯匙
黑胡椒碎適量




燒熱湯鍋，加少少橄欖油，加入洋蔥炒香，
加入南瓜炒1分鐘，
加入2杯水／蔬菜高湯，加蓋，用小火煮南瓜至熟，
同時加入羽衣甘藍煮至軟身，取出，切碎，
南瓜湯用攪拌器打成蓉，加入牛奶煮滾，
如有需要，加入水／蔬菜高湯調節稀杰程度，
加入調味及羽衣甘藍，試味。