肉桂蘋果菠蘿蛋糕

屋企淨咗半罐菠蘿，兩隻蘋果。
典算呢？
於是，月黑風高焗蛋糕！

上次買嘅跳樓貨蛋糕模超好用，甩模超容易，仲唔使點洗。

講番個蛋糕先，今次係基本牛油蛋糕底，再加菠蘿蓉，所以蛋糕有陣陣菠蘿香。

蛋糕面用蘋果片做裝飾，配合秋天氣氛，加咗少少肉桂。

王子愛吃暖蛋糕，一早預好時間焗，返到屋企有暖蛋糕又有杯熱茶等緊佢。