黑椒燒鵝脾飯

終於裝好新焗爐同新煮食爐，又要啲時間慢慢適應喇。
試試個新焗爐先！

其實我家一直都係用緊舊式煮食爐，見佢唔壞我又一直用落去，直到大半年前，佢有啲部份真係開始壞壞哋，但又知我哋會搬屋，所以一直用住先。。。

新焗爐實在太多功能，搞到我有啲頭痛，唔知用邊個功能煮啲乜嘢最適合。
不過呢啲都係必經過程，遲啲就會習慣啦。

今日用新焗爐整咗碟頭飯，係黑椒燒鵝脾飯！
實在好耐冇食過燒鵝髀啦，好懷念燒鵝嘅香氣呀！
當成個廚房籠罩著燒鵝香氣時，心情特別興奮啊。。。

隨髀附送小菜園有機雜錦油菜一大碟，烤鵝脾嘅時候走去摘菜洗菜，油菜煮熟後再用鵝油撈一撈，啲菜特別香特別好食㗎。