治腸胃病、肚痛草本良方 －洋甘菊茶

巡blog時發現有若干blog友腸胃唔舒服。
醒起德國醫生教過我用洋甘菊茶黎治腸胃唔舒服、肚痛等，同大家分享下先。

第一次見有人用洋甘菊茶黎治肚痛，嗰個係王子。
飲完過一陣佢又好番喎。
佢話啲德國媽媽由細到大，小朋友肚痛都係沖洋甘菊茶俾佢，平時都會沖俾小朋友保健。
所以我屋企常備洋甘菊茶，除咗盒裝，仲有原粒裝。

某次去開家庭醫生度，當然有同佢確認下啦。
係真嘅，仲有科研support tim。
佢仲叫我肚痛時唔好即刻睇醫生食成藥，沖杯洋甘菊茶等一陣，唔work先再睇醫生。
除咗腸胃唔舒服、肚痛，胃痛、胃氣多、食滯咗都得架。
仲有安睡作用架。

後來發現原來做完手術，德國醫生會吩咐護士俾多啲水或草本茶俾病人飲。
洋甘菊茶係其中一個選擇，可以幫助身體舒緩同恢復。

下次歐遊可以買啲草本茶，洋甘菊茶一盒25包裝都係港幣5蚊咋。